နယ်သာလန်ဘောလုံးအဖွဲ့ချုပ်က ချမှတ်လိုက်တဲ့ ၁၈ မှတ်လျှော့ပြစ်ဒဏ်ကြောင့် ဗီတက်ဆီအသင်းဟာ
နယ်သာလန်အမြင့်ဆုံးလိဂ်ကကနေ တန်းဆင်းသွားပါပြီ။
အသင်းလိုင်စင်စည်းမျဉ်းစည်းကမ်းတွေနဲ့ပတ်သက်ပြီး လိုအပ်တဲ့သက်မှတ်ချက်တွေကို
မကိုက်ညီတာကြောင့် ဗီတက်ဆီဟာ စံချိန်တင်အမှတ်လျှော့ပြစ်ဒဏ်ချမှတ်ခံခဲ့ရတာပါ။
အဲဒါကြောင့်လည်း ဗီတက်ဆီဟာ ၃၅ နှစ်အတွင်း ပထမဆုံးအကြိမ်အဖြစ်
နယ်သာလန်အမြင့်ဆုံးလိဂ်ကနေ တန်းဆင်းသွားခဲ့ရပါတယ်။
ဒီအမှတ်လျှော့ပြစ်ဒဏ်ချမှတ်ခံရခြင်းမတိုင်ခင်ကတည်းက ဗီတက်ဆီဟာ
ဘဏ္ဍာရေးပြသနာတွေနဲ့အတူ နယ်သာလန်အမြင့်ဆုံးလိဂ်မှာ ဇယားအောက်ခြေရောက်နေတာပါ။
အခုတော့ ၁၈ မှတ်လျှော့ပြစ်ဒဏ်ကြောင့် သူတို့ရဲ့ရမှတ်က -၁ တောင် ဖြစ်သွားပါတယ်။
လွန်ခဲ့တဲ့ ၂ နှစ်ကပဲ ကွန်ဖရန့်လိဂ်မှာ ဝင်ရောက်ယှဉ်ပြိုင်ခဲ့သေးတာကြောင့်
ဗီတက်ဆီရဲ့လက်ရှိ အခြေအနေဟာ မယုံနိုင်စရာလည်း ဖြစ်နေတာပါ။
ဗီတက်ဆီကို ချဲလ်ဆီးပိုင်ရှင်ဟောင်းအေဘရာမိုဗစ်ချ်က ထိန်းချုပ်ထားတဲ့ အခြေအနေတွေ တွေ့ရပြီး
ငွေကြေားခဝါချမှုနဲ့ အခြားချိုးဖောက်မှုတွေ လုပ်ခဲ့တယ်လို့လည်း ဆိုပါတယ်။
ဗီတက်ဆီဟာ မိုဗစ်ချ်လက်ထက်တုန်းက ချဲလ်ဆီးနဲ့နီးကပ်တဲ့ဆက်ဆံရေးရှိခဲ့တာပါ။
ချဲလ်ဆီးအသင်းဟာ သူတို့ရဲ့ကစားသမားအတော်များများကို ဖွံ့ဖြိုးလာစေရေးအတွက်
ဗီတက်ဆီမှာ အငှားချခဲ့ပါတယ်။
အခု မန်ယူကိုရောက်နေတဲ့ မေဆန်မောင့်တောင်
သူ့ရဲ့ပရော်ဖက်ရှင်နယ်ကစားသမားဘဝကို အငှားသွားကန်တဲ့ဗီတက်ဆီမှာ စတင်ခဲ့တာပါ။