မြို့ထဲမှာ လမ်းသလားနေဖို့ ဒီမှာ ရှိနေတာမဟုတ်ဘူးနော်…

0
363

Photo Credit

Photo Credit

ဘာစီလိုနာကြယ်ပွင့် အိုင်ဗန်ရာကီတစ်ကတော့ ပထမပွဲထွက်လူစာရင်းမှာပါဝင်ခွင့်မရရင် အသင်းကနေ ထွက်ခွာမယ်လို့ သတိပေးလိုက်ပြီး “ဒီမှာရှိနေတာဟာ မြို့ထဲမှာပျော်ရွှင်စွာလမ်းလျှောက်ထွက်နေဖို့နဲ့ အရန်ခုံမှာထိုင်နေဖို့ မဟုတ်ဘူး”လို့ ပြောကြားလိုက်ပါတယ်။

Photo Credit

အဆိုပါ ကွင်းလယ်လူကို ပြီးခဲ့တဲ့ အပြောင်းအရွှေ့ဈေးကွက်မှာ ချိတ်ဆက်မှုတွေများစွာရှိခဲ့ပါတယ်။ ဒါ့အပြင် ပီအက်စ်ဂျီကြယ်ပွင့် နေမာကို ဘာစီလိုနာက ပြန်လည်ခေါ်ယူဖို့ လိုအပ်တဲ့ငွေကြေးကိုရှာဖွေနိုင်ဖို့ ရာကီတစ်ကိုရောင်းချနိုင်ရေးကလည်း ကက်တာလန်အခြေစိုက်အသင်းက ကြံရွယ်ခဲ့ပါသေးတယ်။

Photo Credit

သတင်းတွေရဲ့အဆိုအရ ရာကီတစ်ဟာ နေမာရဲ့ အပြောင်းအရွှေ့အတွက် ကမ်းလှမ်းမှုတွေမှာလည်း တစ်စိတ်တစ်ပိုင်းပါဝင်ခဲ့တယ်လို့ သိရပါတယ်။ အဆိုပါ ကွင်းလယ်လူကို ဂျူဗင်တပ်စ်အသင်းကလည်း ခေါ်ယူဖို့ စိတ်ဝင်စားခဲ့တယ်လို့ သိရပြီး ခရိုအေးရှားသားကို တူရင်မြေဆီ လာရောက်ပူးပေါင်းဖို့ ရော်နယ်ဒိုကဆွဲဆောင်ပြောဆိုခဲ့တယ်လို့ ကောလာဟလတွေလည်းရှိခဲ့ပါတယ်။

Photo Credit ; Getty Images

ရာကီတစ်ကတော့ ဘာစီလိုနာကနေ ထွက်ခွာဖို့ ဆန္ဒမရှိခဲ့ဘဲ အသင်းမှာသာ ဆက်နေခဲ့ပေမယ့် လက်ရှိရာသီနည်းပြဗယ်ဗာဒီရဲ့လက်အောက်မှာ ပွဲထွက်လူစာရင်းရဲ့ အစွန်အဖျားအဖြစ်သာပါဝင်ခဲ့ရပြီး ပြိုင်ပွဲစုံ ၁၈၆ မိနစ်သာကစားရသေးပါတယ်။

Photo Credit

”အခုဘာတွေဖြစ်နေလဲ ကျွန်တော်မသိတော့ပါဘူး၊ အခုအခြေအနေက အရမ်းခက်ခဲပါတယ်၊ ကျွန်တော် ပွဲထွက်ခွင့်ရပြီးကစားချင်ပါတယ်၊ ကျွန်တော်က အခုအသင်းရဲ့ အစိတ်အပိုင်းတစ်ခုအဖြစ် ရှိမနေပါဘူး၊ ကျွန်တော့်ရဲ့ အနေအထားကို ဖြစ်နိုင်သမျှအားလုံး ပြောင်းလဲပစ်လို့ ရပါတယ်”

Photo Credit

”ကျွန်တော် အသင်းနဲ့ စာချုပ်သက်တမ်း ၂ နှစ် ကျန်ရှိနေပါသေးတယ်”လို့ ရာကီတစ်ကပြောပါတယ်။ ဆက်လက်ပြီး ရာကီတစ်က ”ဘာစီလိုနာအသင်းမှာ ကစားရတာလောက်ကောင်းတာမရှိပါဘူး၊ ကမ္ဘာ့အကောင်းဆုံးအသင်းလည်းဖြစ်တယ်လေ၊ ဒါပေမဲ့ ကျွန်တော် ကစားဖို့ လိုအပ်ပါတယ်”

Photo Credit

”ဒီမှာရှိနေတာက မြို့ထဲမှာပျော်ရွှင်စွာလမ်းလျှောက်ထွက်နေဖို့နဲ့ အရန်ခုံမှာထိုင်နေဖို့ မဟုတ်ပါဘူး”လို့ ဆက်ပြောပါတယ်။ ရာကီတစ်ဟာ အနာဂတ်မှာ ဘာစီလိုနာမှာပဲဆက်ရှိနေဖို့ သူကိုယ်တိုင်ပဲဆုံးဖြတ်ချက်ချခဲ့တာပါ၊ သူ့ကိုလိုချင်နေကြတဲ့ ကလပ်အသင်းပေါင်းများစွာရှိနေပေမယ့် ကမ်းလှမ်းမှုအားလုံးကိုပယ်ချပြီး အသင်းမှာပဲဆက်နေဖို့ ဆုံးဖြတ်ခဲ့သူဖြစ်ပါတယ်။

Photo Credit

Zawgyi

ၿမိဳ႕ထဲမွာ လမ္းသလားေနဖို႔ ဒီမွာ ရွိေနတာမဟုတ္ဘူးေနာ္…

ဘာစီလိုနာၾကယ္ပြင့္ အိုင္ဗန္ရာကီတစ္ကေတာ့ ပထမပြဲထြက္လူစာရင္းမွာပါဝင္ခြင့္မရရင္ အသင္းကေန ထြက္ခြာမယ္လို႔ သတိေပးလိုက္ၿပီး “ဒီမွာရွိေနတာဟာ ၿမိဳ႕ထဲမွာေပ်ာ္ရႊင္စြာလမ္းေလွ်ာက္ထြက္ေနဖို႔နဲ႔ အရန္ခံုမွာထိုင္ေနဖို႔ မဟုတ္ဘူး”လို႔ ေျပာၾကားလိုက္ပါတယ္။
အဆိုပါ ကြင္းလယ္လူကို ၿပီးခဲ့တဲ့ အေျပာင္းအေရႊ႕ေစ်းကြက္မွာ ခ်ိတ္ဆက္မႈေတြမ်ားစြာရွိခဲ့ပါတယ္။ ဒါ့အျပင္ ပီအက္စ္ဂ်ီၾကယ္ပြင့္ ေနမာကို ဘာစီလိုနာက ျပန္လည္ေခၚယူဖို႔ လိုအပ္တဲ့ေငြေၾကးကိုရွာေဖြႏိုင္ဖို႔ ရာကီတစ္ကိုေရာင္းခ်ႏိုင္ေရးကလည္း ကက္တာလန္အေျခစိုက္အသင္းက ႀကံရြယ္ခဲ့ပါေသးတယ္။
သတင္းေတြရဲ႕အဆိုအရ ရာကီတစ္ဟာ ေနမာရဲ႕ အေျပာင္းအေ႐ႊ႕အတြက္ ကမ္းလွမ္းမႈေတြမွာလည္း တစ္စိတ္တစ္ပိုင္းပါဝင္ခဲ့တယ္လုိ႔ သိရပါတယ္။ အဆိုပါ ကြင္းလယ္လူကို ဂ်ဴဗင္တပ္စ္အသင္းကလည္း ေခၚယူဖို႔ စိတ္ဝင္စားခဲ့တယ္လို႔ သိရၿပီး ခ႐ိုေအးရွားသားကို တူရင္ေျမဆီ လာေရာက္ပူးေပါင္းဖို႔ ေရာ္နယ္ဒိုကဆြဲေဆာင္ေျပာဆိုခဲ့တယ္လုိ႔ ေကာလာဟလေတြလည္းရွိခဲ့ပါတယ္။
ရာကီတစ္ကေတာ့ ဘာစီလုိနာကေန ထြက္ခြာဖို႔ ဆႏၵမရွိခဲ့ဘဲ အသင္းမွာသာ ဆက္ေနခဲ့ေပမယ့္ လက္ရွိရာသီနည္းျပဗယ္ဗာဒီရဲ႕လက္ေအာက္မွာ ပြဲထြက္လူစာရင္းရဲ႕ အစြန္အဖ်ားအျဖစ္သာပါဝင္ခဲ့ရၿပီး ၿပိဳင္ပြဲစံု ၁၈၆ မိနစ္သာကစားရေသးပါတယ္။
”အခုဘာေတြျဖစ္ေနလဲ ကၽြန္ေတာ္မသိေတာ့ပါဘူး၊ အခုအေျခအေနက အရမ္းခက္ခဲပါတယ္၊ ကၽြန္ေတာ္ ပြဲထြက္ခြင့္ရၿပီးကစားခ်င္ပါတယ္၊ ကၽြန္ေတာ္က အခုအသင္းရဲ႕ အစိတ္အပိုင္းတစ္ခုအျဖစ္ ရွိမေနပါဘူး၊ ကၽြန္ေတာ့္ရဲ႕ အေနအထားကို ျဖစ္ႏိုင္သမွ်အားလံုး ေျပာင္းလဲပစ္လို႔ ရပါတယ္”
”ကၽြန္ေတာ္ အသင္းနဲ႔ စာခ်ဳပ္သက္တမ္း ၂ ႏွစ္ က်န္ရွိေနပါေသးတယ္”လို႔ ရာကီတစ္ကေျပာပါတယ္။ ဆက္လက္ၿပီး ရာကီတစ္က ”ဘာစီလိုနာအသင္းမွာ ကစားရတာေလာက္ေကာင္းတာမရွိပါဘူး၊ ကမၻာ့အေကာင္းဆံုးအသင္းလည္းျဖစ္တယ္ေလ၊ ဒါေပမဲ့ ကၽြန္ေတာ္ ကစားဖို႔ လိုအပ္ပါတယ္”
”ဒီမွာရွိေနတာက ၿမိဳ႕ထဲမွာေပ်ာ္ရႊင္စြာလမ္းေလွ်ာက္ထြက္ေနဖို႔နဲ႔ အရန္ခံုမွာထုိင္ေနဖို႔ မဟုတ္ပါဘူး”လို႔ ဆက္ေျပာပါတယ္။ ရာကီတစ္ဟာ အနာဂတ္မွာ ဘာစီလိုနာမွာပဲဆက္ရွိေနဖို႔ သူကိုယ္တိုင္ပဲဆံုးျဖတ္ခ်က္ခ်ခဲ့တာပါ၊ သူ႕ကိုလိုခ်င္ေနၾကတဲ့ ကလပ္အသင္းေပါင္းမ်ားစြာရွိေနေပမယ့္ ကမ္းလွမ္းမႈအားလံုးကိုပယ္ခ်ၿပီး အသင္းမွာပဲဆက္ေနဖို႔ ဆံုးျဖတ္ခဲ့သူျဖစ္ပါတယ္။